ANJIAMANGIRINA: NOTOKANAN'NY FILOHAN'NY FANAVAOZANA NY EPP PHILIBERT TSIRANANA IZAY NOHAVAOZINA

📅 13 Oktobra 2026
📍 Kaominina Anjiamangirina, Distrikan’Antsohihy – Faritra Sofia
 
« Ny olo mahay raha – tsy very mandeha! » Izany teny mavesa-danja izany no nentin’ny vahoakan’ny Faritra Sofia nandray ny Filohan’ny Fanavaozana, ny Kolonely Randrianirina Michaël, nandritra ny fitokanana ny fotodrafitrasa goavana tao amin’ny Kaominina Anjiamangirina, ho fankalazana ny Fetin’ny Fahafahana.
 
🏫 Famerenana ny hasin’ny tantara : Lasa Vakoka ny EPP Philibert Tsiranana

Nisongadina nandritra izao tany an-toerana izao ny fitokanana ny EPP Philibert Tsiranana rehefa avy niharan’ny asa fanavaozana lehibe sy manontolo. Ity sekoly ity, izay nianaran’ny Filoham-pirenena voalohany, ny Filoha Philibert Tsiranana, dia napetraka ho Vakoka ara-tantara ofisialy. Ny tanjona dia ny hitahirizana ny lova fototra ho an’ny firenena sy ny fanomezana aingam-panahy ary hery ho an’ireo taranaka tanora mpianatra mifandimby.
 
⚡ Paikady ho an’ny fampandrosoana sy ny angovo

Ho fanohanana mivantana ny fampandrosoana ara-toekarena sy ara-tsosialy ao Anjiamangirina, dia nampanantena mivantana ny hanolotra milina mpamokatra herinaratra (groupe électrogène) ho an’ny Kaominina ny Filohan’ny Fanavaozana. Izany dia vahaolana haingana hitondrana hazavana sy fampihodiana ireo asa fivelomana fototra ao an-toerana.
 
🇲🇬 Fanomanana ny fankalazana ny 14 Oktobra

Ankoatra izay, nanolotra fanohanana ara-bola mitentina 20 tapitrisa Ariary ny Filohan’ny Fanavaozana ho an’ny vahoakan’Anjiamangirina, entina hanatontosana an-tsakany sy an-davany ny fankalazana ny 14 Oktobra (Tsingerintaona nambarana ny Repoblika Voalohany).
 
Nohamafisina tamin’izany fa hanomboka amin’ny taona ho avy dia hankalazana ofisialy manerana an’i Madagasikara ity daty manan-tantara ity.
 
✨ Fanabeazana, tantara ary fampandrosoana: lova lehibe ho an’ny taranaka sy antoky ny hoavin’i Anjiamangirina ary ny Faritra Sofia manontolo.