πŸ‡²πŸ‡¬ π€ππ€π‡πˆπƒπ‘π€ππŽ | π…π€π‡π€π“π’πˆπ€π‘πŽπ•π€ππ€ 𝐍𝐘 π…πˆπ‹πŽπ‡π€πŒ-ππˆπ‘π„ππ„ππ€ ππ‡πˆπ‹πˆππ„π‘π“ π“π’πˆπ‘π€ππ€ππ€

Ho fahatsiarovana ny Filoham-pirenena Philibert Tsiranana, dia nametraka fehezam-boninkazo teo anoloan’ny tsangambato tao Anahidrano ny Filohan’ny Fanavaozana, Kolonely MichaΓ«l Randrianirina.

Nanatrika izany ny mpikambana eo anivon’ny Governemanta, anisan’izany ny 𝐌𝐒𝐧𝐒𝐬𝐒𝐭𝐫𝐚 𝐦𝐒𝐬𝐚𝐑𝐚𝐧𝐚 𝐧𝐲 π…πšπ§πšπ―πšπ¨π³πšπ§πš, 𝐌𝐞 π‡πšπ§π’π­π«πš π‘πšπ³πšπŸπ’π¦πšπ§πšπ§π­π¬π¨πš.

Nandritra ny lahateniny dia nanome voninahitra sy nankasitraka ny Raiamandrenin’ny Firenena Philibert Tsiranana ny Filohan’ny Fanavaozana, ary nanasongadina ny maha-zava-dehibe ny fitadidiana ireo olona nametraka ny fototra teo amin’ny tantaran’i Madagasikara
.
Nambarany fa, 68 taona aty aoriana, mbola misy ny ezaka tokony hotohizana mba hahatonga an’i Madagasikara ho tena mahaleo tena, ka mila finiavana sy fandraisana andraikitra iombonan’ny Malagasy izany.


Nohamafisiny ihany koa ny maha-zava-dehibe ny fihavanana, ka tao anatin’izany dia nisy ny nofon-kena mitam-pihavanana mitentina 10 tapitrisa Ariary.

Taorian’izany dia notohizana tamin’ny fitsidihana ny trano fonenan’ny Filoham-pirenena Philibert Tsiranana sy ny fihaonana tamin’ny fianakaviany ny fandaharam-pahatsiarovana sy ho fankalazana ny fetin’ny fahafahana 14 oktobra 2026