Nanohy ny fidinana ifotony ny Talem-paritra misahana ny Fanavaozana (DRR) Androy Atoa Miha Jaonasitera, niaraka tamin’ny ekipan’ny Faritra Androy, ny Alarobia 29 Jolay 2026. Tany amin’ny Kaominina Ambanivohitra Anjeky Ankilinkira no nanatanterahana ny fanentanana, mba hamporisihana ny vahoaka handray anjara mavitrika amin’ny Fikaonandoham-pirenena eny anivon’ny Fokontany.

Nohamafisina nandritra izany fa ny fandraisan’anjaran’ny olom-pirenena no fototra hahafahana manangona ny hetahetan’ny mponina sy manorina vahaolana iaraha-misafidy ho fampandrosoana maharitra.