𝐅𝐀𝐌𝐄𝐓𝐑𝐀𝐇𝐀𝐍𝐀 𝐍𝐘 𝐓𝐀𝐋𝐄𝐌-𝐏𝐀𝐑𝐈𝐓𝐑𝐀 𝐌𝐈𝐒𝐀𝐇𝐀𝐍𝐀 𝐍𝐘 𝐅𝐀𝐍𝐀𝐕𝐀𝐎𝐙𝐀𝐍𝐀 𝐀𝐎 𝐀𝐌𝐈𝐍’𝐍𝐘 𝐅𝐀𝐑𝐈𝐓𝐑𝐀 𝐃𝐈𝐀𝐍𝐀

Tontosa soa aman-tsara tao Antsiranana ny lanonana fametrahana tamin’ny fomba ofisialy an’Atoa Andriamberomanga Merthon Simon, ho Talem-paritra Misahana ny Fanavaozana ao amin’ny Faritra DIANA.

Nanatrika sy nanome voninahitra ny fotoana ny Tale Jeneraly Misahana ny Fikaonandoha, Atoa Rahajary Tsialoninarivo, ireo Tale,ireo Mpikambana eo anivon’ny kabinetran’ny Minisitera,ary ireo tompon’andraikim-panjakana ambony ao amin’ny Faritra DIANA.

Nandritra ny lahateniny, ny Tale Jeneraly dia nanamafy ny andraikitry ny Ministera Misahana ny Fanavaozana amin’ny fanohanana sy fampiroboroboana ny dingan’ny Fanavaozana, indrindra amin’ny alalan’ny fanamafisana ny fifandraisana amin’ny vahoaka sy ny fiaraha-miasa amin’ireo tompon’andraikitra eny ifotony.

Notsindriany manokana ihany koa ny maha-zava-dehibe ny Fikaonandoham-pirenena, izay sehatra lehibe hanangonana ny hetahetan’ny vahoaka, ny soso-kevitra ary ny fomba fijery avy amin’ireo sehatra samihafa, ho an’ny fanorenana ny Fanavaozana iaraha-manana izay iarahana amin’ny FFKM.

Nankahereziny manokana ny Talem-paritra vaovao amin’ny fanatanterahana amim-pahavitrihana ny andraikitra napetraka aminy, ho fanamafisana ny fisian’ny Ministera sy ny asan’ny Fanavaozana ao amin’ny Faritra DIANA.

# MCR # Fanavaozana

# Fifanajana

# Fiarahamientana

# Fanolorantena