Manoloana ny fitomboan’ny loza sy ny voka-dratsy ateraky ny fiovan’ny toetrandro dia manamafy ny fahafaha-miatrika ara-bola ny firenena Malagasy, ahafahana miomana mialoha sy manetsika ireo loharanom-bola ilaina rehefa misy ny voina. Nidinika an-databatra boribory ny Cellule de Prévention et d’Appui à la Gestion des Urgences (CPGU) eo anivon’ny Primatiora sy ny Minisiteran’ny Toekarena sy ny Fitantanam-bola (MEF), miaraka amin’ireo mpiara-miombon’antoka ara-teknika sy ara-bola, ny 29 septambra 2026, ho fanamafisana ny faharetan’ny rafitra fiantohana ataon’ny fanjakana amin’ny « 𝐀𝐟𝐫𝐢𝐜𝐚𝐧 𝐑𝐢𝐬𝐤 𝐂𝐚𝐩𝐚𝐜𝐢𝐭𝐲 » (ARC), ao anatin’ny Global Shield.

Nivoitra tamin’ity fifampidinihana ity ny fanamafisana ny ezaka ataon’ny Governemanta sy ireo mpiara-miombon’antoka amin’ny famatsiambola ilaina amin’ny fiantohana ny haintany sy ny rivodoza ary ny tondra-drano ho an’ny vanim-potoana 2026–2027. Teo ihany koa ny fanamafisana ny fiaraha-miasa amin’ny 𝗕𝗮𝗻𝗾𝘂𝗲 𝗔𝗳𝗿𝗶𝗰𝗮𝗶𝗻𝗲 𝗱𝗲 𝗗𝗲́𝘃𝗲𝗹𝗼𝗽𝗽𝗲𝗺𝗲𝗻𝘁 amin’ny alalan’ny fandaharanasa 𝗔𝗳𝗿𝗶𝗰𝗮 𝗗𝗶𝘀𝗮𝘀𝘁𝗲𝗿 𝗥𝗶𝘀𝗸 𝗙𝗶𝗻𝗮𝗻𝗰𝗶𝗻𝗴 (ADRiFi), ny 𝗕𝗮𝗻𝗾𝘂𝗲 𝗠𝗼𝗻𝗱𝗶𝗮𝗹𝗲 amin’ny alalan’ny 𝗥𝗲𝗴𝗶𝗼𝗻𝗮𝗹 𝗘𝗺𝗲𝗿𝗴𝗲𝗻𝗰𝘆 𝗣𝗿𝗲𝗽𝗮𝗿𝗱𝗻𝗲𝘀𝘀 𝗮𝗻𝗱 𝗔𝗰𝗰𝗲𝘀𝘀 𝘁𝗼 𝗜𝗻𝗰𝗹𝘂𝘀𝗶𝘃𝗲 𝗥𝗲𝗰𝗼𝘃𝗲𝗿𝘆 (REPAIR), sy ny 𝗚𝗹𝗼𝗯𝗮𝗹 𝗦𝗵𝗶𝗲𝗹𝗱 𝗦𝗼𝗹𝘂𝘁𝗶𝗼𝗻𝘀 𝗣𝗹𝗮𝘁𝗳𝗼𝗿𝗺, ary koa ireo rafitra sy mpiara-miombon’antoka hafa nandray anjara tamin’ny fiantohana ny prime ARC.

Anisan’ny lahadinika ihany koa ny fandraisana an-tanana ny filàn’ireo mpiara-miombon’antoka ao anatin’ny ARC Replica miaraka amin’ny Programme Alimentaire Mondial (PAM) sy ny Start Network. Mitohy ihany koa ezaka iombonana amin’ny fametrahana rafitra famatsiambola maharitra, azo vinavinaina ary hitohy mandritra ny taona maro.

#Madagasikara #FahafamiatrikaAraBola #CPGU #MEF #AfricanRiskCapacity #GlobalShield #Faharetana #FiovanNyToetrandro