Notanterahina tao Mananjary ny 28 Septambra 2026 ny fametrahana amin’ny fomba ofisialy an’Andriamatoa Fridolin Caleb, ho Talem-paritra misahana ny Fanavaozana ao Vatovavy.

 

Nanome voninahitra ny fotoana ny Mpandrindra Ankapobe sy ny Mpanolotsaina Teknika, niaraka tamin’ireo delegasiona avy amin’ny Minisitera.

 

Nanatrika ny fotoana ny Sekretera Jeneralin’ny Faritra Vatovavy, ny solontenan’ny Lehiben’ny Faritra, ny Ben’ny Tanànan’i Mananjary, ireo tompon’andraikim-panjakana ambony ao min’ny Faritra, ny FFKM ary ireo Mpanjaka, izay tonga nanatrika sy nanome tsodrano araka ny fomba amam-panao ao an-toerana.

 

Nisolo tena ny Minisitra Andriamatoa Andriatsima Onisoa, Mpandrindra Ankapobe eo anivon’ny Minisitera. Nambarany fa anisan’ireo iraka iandraiketan’ny MCR ny fanomezana tantsoroka ara-kevitra sy ara-teknika amin’ny Fikaonandoham-pirenena.

Notsindriany manokana fa manomboka amin’ny fihainoana ny hevitry ny olom-pirenena ny fanorenana Firenena, ka miantoka ny tantsoroka ara-kevitra sy ara-teknika amin’izany dingana izany ny MCR.

 

Nohamafisiny ihany koa fa zava-dehibe ny fihainoana ny feon’ny vahoaka sy ny fampandraisana anjara azy amin’ny dingana Fanavaozana, ho fanorenana Fanjakana manana ny fiandrianany , mandray andraikitra ary mamaly ny filàn’ny vahoaka.