𝐅𝐀𝐍𝐄𝐍𝐓𝐀𝐍𝐀𝐍𝐀 𝐒𝐘 𝐃𝐈𝐍𝐈𝐊𝐀 𝐌𝐎𝐌𝐁𝐀 𝐍𝐘 𝐅𝐀𝐍𝐀𝐕𝐀𝐎𝐙𝐀𝐍𝐀

Notanterahina tao amin’ny Kaominina Soamahamanina ny fihaonana tamin’ireo Sefom-pokontany sy ny lefiny ary ireo Quartier Mobile, izay notarihin’ny Ben’ny Tanàna sy ny Talem-paritra misahana ny Fanavaozana Itasy Rtoa Ranarivao Sitraka miaraka amin’ny mpiara-miasa aminy.

Voasolontena avokoa ireo Fokontany 7 mandrafitra ny Kaominina, ary naneho fahavononana sy fahalianana tamin’izao fihaonana izao ireo mpandray anjara.

Nifantoka tamin’ireto lohahevitra lehibe ireto ny fifanakalozana:

Ny iraka sy ny andraikitry ny Minisiteran’ny Fanavaozana amin’ny alalan’ny Fitaleavam-paritra.

Ny maha-zava-dehibe ny Fikaonandoham-pirenena hiainga eny ifotony izay tarihin’ny FFKM.

Ny fampiofanana ireon Sefom-pokontany amin’ny fandrafetana ny Dina-pitondran-tena

Ny lalan-tsain’ny Fanavaozana mifantoka amin’ny fampandraisan’anjaran’ny vahoaka tsy ankanavaka ary mitandro ny firaisankina

Tsapa nandritra ny fifanakalozana fa nandray anjara mavitrika sy liana tamin’ireo lohahevitra noresahina ny mponina.

# MCR# Fanavaozana

# Fifanajana

# Fiarahamientana

# Fanolorantena