𝗙𝗶𝗵𝗮𝗼𝗻𝗮𝗺𝗯𝗲 𝗵𝗼 𝗳𝗮𝗻𝗮𝘃𝗮𝗼𝘇𝗮𝗻𝗮 𝗻𝘆 𝗳𝗮𝗺𝗽𝗶𝗮𝗻𝗮𝗿𝗮𝗻𝗮 𝘁𝗲𝗸𝗶𝗻𝗶𝗸𝗮 𝘀𝘆 𝗻𝘆 𝗳𝗮𝗻𝗼𝗳𝗮𝗻𝗮𝗻𝗮 𝗮𝗿𝗮𝗸’𝗮𝘀𝗮 : 𝐹𝑎𝑚𝑖𝑛𝑡𝑖𝑛𝑎𝑛𝑎 𝑛𝑦 𝑙𝑎ℎ𝑎𝑡𝑒𝑛𝑖𝑛’𝑛𝑦 𝑀𝑖𝑛𝑖𝑠𝑖𝑡𝑟𝑎 𝑚𝑖𝑠𝑎ℎ𝑎𝑛𝑎 𝑛𝑦 𝐹𝑎𝑛𝑎𝑣𝑎𝑜𝑧𝑎𝑛𝑎

Hoy Me Hanitra Razafimanantsoa, Minisitra misahana ny Fanavaozana nandritra ny lahateniny:

“Ny tanjona iombonana dia tsotra saingy masina loatra. Hiaraka hanorina Repoblika vaovao isika ho antoky ny fampandrosoana ny sehatra rehetra eo anivon’ny firenena”.

Ezaka lehibe no efa vita, efa hita misongadina ny asa izay natao amin’ny famaliana maika ny filàn’ny vahoaka rehetra toy ny jiro, rano, lalana, fahasalamana, fampianarana sns..

Tsy “Fanavaozana” tsotra amin’ny sehatra iray ity an’ny Minisitera ny fampianarana tekinika sy fanofanana arak’asa ity fa fepetra iray hisian’ny fahombiazana ny Fanavaozana amin’ny ankapobeny izany satria “ny firenena mandroso dia ireo mahavita manova ny tanora ho mpiasa mahay , voaofana tsara，mahavita mamokatra sy mamorona avy amin’ny tany sy ny hery an-tànany”

Ny fanapahan-kevitra vokarin’ity fihaonambe ity dia tsy mijanona fotsiny eto Mahajanga fa hanome vahan-kevitra ho an’ny DONOR (Document National d’orientation de la Refondation), antontan-kevitra mamaritra ny làlana hitarihana ny fanavaozana, izay havoaka rehefa tapitra ny fikaonandoham-pirenena sy ny fihaonambe tahaka izao. Anisan’ny fototry ny vina nasionaly ho volavolaina izany.