𝐅𝐀𝐍𝐀𝐍𝐆𝐀𝐍𝐀𝐍-𝐓𝐒𝐀𝐈𝐍𝐀 : 𝐌𝐈𝐀𝐑𝐀-𝐌𝐈𝐀𝐒𝐀 𝐇𝐎 𝐅𝐀𝐌𝐏𝐀𝐍𝐃𝐑𝐎𝐒𝐎𝐀𝐍𝐀 𝐍𝐘 𝐅𝐀𝐑𝐈𝐓𝐑𝐀 𝐁𝐎𝐄𝐍𝐘

Notanterahina androany ny fananganan-tsaina notarihin’ny Prefet-n’i Mahajanga, niaraka tamin’ireo mpiasa sy tompon’andraiki-panjakana. Anisany nanatrika izany ny Talem-paritra Misahana ny Fanavaozana Boeny Atoa Razafindrakoto Tojo.

Nohamafisina fa ny fiaraha-miasa, firaisan-kina ary fandraisana andraikitra no fototry ny fampandrosoana.

Nampahatsiahivina ny fitohizan’ny fanoratana anarana biometrika mandritra ny volana Septambra, ary namporisihina ny olom-pirenena hanamarina sy hanavao ny anarany ao amin’ny lisitry ny mpifidy.

Nasongadina ihany koa ny maha-zava-dehibe ny fitafy Malagasy isaky ny zoma sy ny fihirana amim-panajana ny Hiram-pirenena, ho fanehoana ny fitiavan-tanindrazana sy fanajana ny Firenena.

# MCR # Fanavaozana

# Fifanajana

# Fiarahamientana

# Fanolorantena