𝐕𝐀𝐕𝐀𝐊𝐀 𝐈𝐑𝐀𝐈𝐒𝐀𝐌-𝐏𝐈𝐍𝐎𝐀𝐍𝐀 𝐅𝐀𝐍𝐎𝐊𝐀𝐅𝐀𝐍𝐀 𝐍𝐘 𝐅𝐈𝐊𝐀𝐎𝐀𝐍𝐀𝐍𝐃𝐎𝐇𝐀𝐌-𝐏𝐀𝐑𝐈𝐓𝐑𝐀 𝐁𝐎𝐍𝐆𝐎𝐋𝐀𝐕𝐀

Tontosa soa aman-tsara tao amin’ny FJKM Ziona Tsiroanomandidy, ny vavaka firaisam-pinoana notarihin’ny Raiamandreny FFKM Faritra Bongolava, ho fanokafana amin’ny fomba ofisialy ny Fikaonandoham-paritra.

Nandritra ny fotoana dia nandray fitenenana ny Talem-paritra Misahana ny Fanavaozana Bongolava Atoa Razakamanana Andriamalala, izay nanambara fa efa ela no niandrasan’ny vahoaka ity andro fanombohan’ny Fikaonandoha ity. Nanao antso avo tamin’ny vahoaka izy mba hanaraka sy hanaja tsara ny fomba fitarihan’ny FFKM amin’ny fanatanterahana ny fikaonandoha.

Efa nanentana ary mbola manohy manentana ny vahoaka ihany koa ny Fitaleavam-paritra mba handray anjara mavitrika amin’ny Fikaonan-doha, miainga eny anivon’ny Fokontany.

# MCR # Fanavaozana

# Fifanajana

# Fiarahamientana

# Fanolorantena