Trano maherin’ny 300 no kila tamin’ny hain-trano tao amin’ny Fokontany Andranomavo, Kaominina Vatana, Distrikan’i Manakara, ka fianakaviana maro no very fananana sy fialofana. 

 

Vao nahare ny zava-nitranga ny Fitondram-panjakana dia nandray andraikitra avy hatrany, ka nitondra fanampiana ara-tsakafo, kojakoja ilaina andavanandro , tafo fanitso ho an’ireo fianakaviana traboina.

 

Tonga teny an-toerana ireo solontenan’ny Governemanta, notarihin’ny Minisitry ny Mponina sy Firaisankina, Ramatoa RAKOTONIAINA Voahanginirina Cathia, ny Minisitra Misahana ny Fanavaozana Maître Hanitra Razafimananantsoa niaraka tamin’ireo manampahefana tao an-toerana, naneho firaisankina sy fiaraha-miory amin’ireo niharam-boina.

 

Ity fandraisana andraikitra ity dia maneho ny fahavononan’ny Fanjakana hijoro hatrany eo anilan’ny vahoaka, indrindra amin’ny fotoan-tsarotra tahaka izao.