Notanterahina androany, **27 aogositra 2026**, tao amin’ny Hôtel Colbert, Antananarivo, ny **fanaovan’i Madagasikara sonia ny Accord International sur le Cacao 2026**, teo anatrehan’Atoa **Michel ARRION**, Tale Mpanatanteraka ao amin’ny Organisation Internationale du Cacao (ICCO).

Nandritra izany no nanamafisan’ny **Praiminisitra, Lehiben’ny Governemanta, Mamitiana Rajaonarison**, fa dingana stratejika ho an’i Madagasikara ity fifanarahana ity. Marihina fa **100%-n’ny kakao malagasy aondrana no voasokajy ho “cacao fin ou aromatique”**, ka i Madagasikara no **firenena afrikanina tokana** manana izany fankatoavana manokana izany.

Nitana anjara toerana lehibe tamin’ny fanatanterahana izao dingana izao ny **Minisiteran’ny Varotra sy ny Fanjifana (MINCC)**, izay nikarakara ny lanonana niaraka tamin’ny **Conseil National du Cacao (CNC)**. Tafiditra ao anatin’ny ezaka entin’ny MINCC ny fanamafisana ny fifaninanana sy ny faharetan’ny filière cacao, ny fanatsarana ny kalitao sy ny traçabilité, ny fampiroboroboana ny fanodinana eto an-toerana ary ny famoronana sanda bebe kokoa ho tombontsoan’ireo mpamokatra sy ny toekarem-pirenena.

Amin’ny alalan’ity fifanarahana ity dia manamafy ny safidiny i Madagasikara : **hampiroborobo ny kalitaon’ny vokatra malagasy, hiaro ny mpamokatra ary hanamafy ny diplaomasia ara-toekarena eo amin’ny sehatra iraisam-pirenena.**

#Primature #Madagasikara #MamitianaRajaonarison #MINCC #KakaoMalagasy #ICCO #DiplomasiaAraToekarena #Fampandrosoana #VokatraMalagasy

𝗡𝘆 𝗦𝗲𝗿𝗮𝘀𝗲𝗿𝗮