𝐅𝐈𝐓𝐎𝐊𝐀𝐍𝐀𝐍𝐀 𝐍𝐘 𝐄𝐅𝐈𝐓𝐑𝐀𝐍𝐎 𝐑𝐎𝐀 𝐀𝐎 𝐀𝐌𝐈𝐍’𝐍𝐘 𝐒𝐄𝐊𝐎𝐋𝐘 𝐌𝐀𝐌𝐏𝐈𝐀𝐓𝐘 𝐌𝐀𝐇𝐀𝐉𝐀𝐍𝐆𝐀

Notokanana androany ny efitrano roa ao amin’ny Sekoly Mampiaty (École Inclusive) Mahajanga, sekoly loterana ho an’ny ankizy manana olana ara-pihainoana sy fahasembanana ara-batana, anisan’izany ny ankizy manana toe-tena varira 10.

Nanatrika izany ny Praiminisitra Lehiben’ny Governemanta, ny Minisitra Misahana ny Fanavaozana, ary ny Minisitry ny Fanabeazam-pirenena.

𝐓𝐞𝐭𝐢𝐤𝐚𝐬𝐚 𝐢𝐚𝐫𝐚𝐡𝐚-𝐦𝐢𝐚𝐬𝐚

Niainga tamin’ny fandraisan’andraikitry ny Fiangonana, notohanan’ny Fanjakana Norveziana.

Nambaran’ny Praiminisitra fa ho raisina ho mpiasam-panjakana ireo mpiasa 7 ao amin’ny sekoly, ary hisy fitaovana fanampiny hanatsarana ny fampianarana.

Nohamafisina fa tsy vesatry ny fiarahamonina ny ankizy manana fahasembanana, fa olona manana talenta sy anjara toerana lehibe amin’ny fananganana ny firenena. Anisan’ny tanjon’ny Fanavaozana ny fandraisana anjaran’ny Malagasy rehetra, tsy an-kanavaka.

Ankoatra ny fanabeazana, hisy ihany koa ny tetikasa fiompiana trondro hanohanana ny sekoly. Hatomboka amin’ny herinandro ho avy ny fanamboarana ny fefy manodidina, ary omby iray no homena ny sekoly.

Hohamafisina koa ny fiaraha-miasa amin’ny sehatry ny Fanabeazana Teknika sy ny Fampiofanana arak’asa, miaraka amin’ny fanaraha-maso manokana ny ankizy sy ny fandraisana mpianatra vaovao.

Fisaorana sy fankasitrahana no natolotra ho an’ireo mpanabe sy mpikarakara avy ao amin’ny toby loterana, izay manolo-tena amin’ny fanabeazana sy fanohanana ireo ankizy marefo.

𝑻𝒔𝒚 𝒎𝒊𝒔𝒚 𝑴𝒂𝒍𝒂𝒈𝒂𝒔𝒚 𝒕𝒐𝒌𝒐𝒏𝒚 𝒉𝒂𝒗𝒆𝒍𝒂 𝒉𝒐 𝒂𝒏𝒚 𝒂𝒐𝒓𝒊𝒂𝒏𝒂. 𝑵𝒚 𝑭𝒂𝒏𝒂𝒗𝒂𝒐𝒛𝒂𝒏𝒂 𝒅𝒊𝒂 𝒉𝒐 𝒂𝒏’𝒏𝒚 𝑴𝒂𝒍𝒂𝒈𝒂𝒔𝒚 𝒓𝒆𝒉𝒆𝒕𝒓𝒂.

#SekolyMampiaty #Mahajanga #Boeny #Fanavaozana #MCR