𝗛𝗮𝗿𝗲𝗻𝗮 𝗮𝗻-𝗸𝗶𝗯𝗼𝗻’𝗻𝘆 𝘁𝗮𝗻𝘆 : 𝗮𝗻’𝗻𝘆 𝗠𝗮𝗹𝗮𝗴𝗮𝘀𝘆 𝗸𝗮 𝘁𝗼𝗸𝗼𝗻𝘆 𝗵𝗼 𝘀𝗶𝘁𝗿𝗮𝗵𝗮𝗻’𝗻𝘆 𝗠𝗮𝗹𝗮𝗴𝗮𝘀𝘆 𝗻𝘆 𝘁𝗼𝗺𝗯𝗼𝗻𝘁𝘀𝗼𝗮 𝗮𝘃𝘆 𝗮𝗺𝗶𝗻𝘆 𝗵𝗼𝘆 𝗻𝘆 𝗠𝗶𝗻𝗶𝘀𝗶𝘁𝗿𝗮 𝗺𝗶𝘀𝗮𝗵𝗮𝗻𝗮 𝗻𝘆 𝗙𝗮𝗻𝗮𝘃𝗮𝗼𝘇𝗮𝗻𝗮

Tanterahana mandritra ny roa andro eny Ankerana ny loabary an-dasy karakarain’ny Fiarahamonim-pirenena eo amin’ny sehatry ny harena an-kibon’ny tany

Hoy ny Minisitra misahana ny Fanavaozana, Me Hanitra Razafimanantsoa tanaty lahateny fanokafana ny atrik’asa :

Tsy ho tompony mangataka atiny intsony ny Malagasy amin’ny harena ananany : solika, entona, harena an-kibon’ny tany. Efa nanomboka nandray andraikitra ny fitondrana Fanavaozana amin’ny fanomezana ireo tamberim-bidy ho an’ny kaominina sy distrika.

Samy handray andraikitra isika hoy izy satria ny fiarahamonim-pirenena no mahalala ny zava-misy eny ifotony mba tsy hataon’ny olom-bitsy tantely afa-drakotra intsony ny harem-pirenena.

Miara-miasa ny fanjakana sy ny fiaraha-monim-pirenena satria izy ireo no aroriaka,mpandinika sy mpanome soso-kevitra ary koa mpisintona lakolosy.

Aorian’ity atrik’asa ity dia hamoaka fehin-kevitra ireo mpandray anjara avy amin’ny faritra 24 ary hiverina hitondra izany any ifotony indray.