𝐕𝐀𝐕𝐀𝐊𝐀 𝐈𝐑𝐀𝐈𝐒𝐀𝐌-𝐏𝐈𝐍𝐎𝐀𝐍𝐀 𝐒𝐘 𝐅𝐀𝐍𝐎𝐊𝐀𝐅𝐀𝐍𝐀 𝐍𝐘 𝐅𝐀𝐌𝐏𝐈𝐎𝐅𝐀𝐍𝐀𝐍𝐀 𝐇𝐎 𝐀𝐌𝐈𝐍’𝐍𝐘 𝐅𝐈𝐊𝐀𝐎𝐍𝐀𝐍𝐃𝐎𝐇𝐀𝐌-𝐏𝐈𝐑𝐄𝐍𝐄𝐍𝐀

Nosokafana tamin’ny vavaka iraisam-pinoana, niarahana tamin’ny FFKM tao amin’ny FJKM Manakara, ny fampiofanana ireo Mpanamora, Mpitan-tsoratra ary Mpiandraikitra ny fampitaovana amin’ny Fikaonandoham-pirenena ho an’ny Faritra Fitovinany.

Nanatrika ny fotoana ireo olomanan-kaja ambony ao amin’ny Faritra , ny Talem-paritra misahana ny Fanavaozana Fitovinany, Atoa RANDRIAZAFY Romario .

Nandritra ny fotoana dia nohamafisina ny maha-zava-dehibe ny fiaraha-mientana, ny fahitsiana ary ny fahavononana amin’ny fanatanterahana ny andraikitra hiantsorohan’ireo mpiofana. Ity fampiofanana ity dia natao hanamafisana ny fahaiza-manao sy ny fandrindrana, mba hahafahan’ny rehetra mandray anjara amim-pahombiazana amin’ny fanomanana sy fanatanterahana ny Fikaonandoham-pirenena.

Nisy ny antso ho amin’ny firaisankina sy ny fiaraha-miasa eo amin’ireo mpandray anjara , ho fanatrarana ny tanjona iombonana ho an’ny Faritra Fitovinany.

# MCR # Fanavaozana

# Fifanajana

# Fiarahamientana

# Fanolorantena