𝐌𝐀𝐇𝐀𝐉𝐀𝐍𝐆𝐀 | 𝐒𝐄𝐑𝐀𝐍𝐀𝐍-𝐓𝐒𝐀𝐌𝐁𝐎 𝐍𝐎𝐇𝐀𝐕𝐀𝐎𝐙𝐈𝐍𝐀

Tontosa ny 29 Aogositra 2026 tao Mahajanga ny fitokanana tamin’ny fomba ofisialy ny Seranan-tsambon’i Mahajanga nohavaozina, lanonana notarihin’ny Filohan’ny Fanavaozana, Kolonely Michaël RANDRIANIRINA, niaraka tamin’ireo tompon’andraikitra isan-tsokajiny sy ireo mpisehatra amin’ny sehatry ny fitaterana an-dranomasina. Anisany tonga nanatrika ity fotoana ity ny ekipa avy amin’ny Fitaleavam-paritra Misahana ny Fanavaozana Boeny.

Ity fanavaozana ity dia natao hanatsarana ny fotodrafitrasa sy ny kalitaon’ny asa omen’ny seranan-tsambo, mba hahafahana mandray tsara kokoa ireo sambo sy entana ary hanamora ny fivezivezen’ny olona sy ny vokatra.

Anisan’ny tanjona lehibe ihany koa ny fanamafisana ny fifandraisana ara-barotra eo amin’i Mahajanga sy ireo faritra hafa eto Madagasikara ary any ivelany.

Dingana lehibe ho an’ny fanatsarana ny sehatry ny fitaterana an-dranomasina sy ny fampiroboroboana ny varotra ary ny fizahantany ao amin’ny Faritra Boeny izao Fanavaozana izao. Izy io dia antenaina hitondra tombontsoa ho an’ny mponina, hampiroborobo ny asa sy ny fandraharahana, ary hanohana bebe kokoa ny fampandrosoana ara-toekarena.

# MCR # Fanavaozana

# Fifanajana

# Fiarahamientana

# Fanolorantena