𝐃𝐈𝐍𝐈𝐊𝐀 𝐇𝐎 𝐅𝐀𝐍𝐀𝐕𝐀𝐎𝐙𝐀𝐍𝐀 𝐀𝐍’𝐈 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 :

𝐋𝐚𝐡𝐚𝐭𝐞𝐧𝐲 𝐧𝐢𝐟𝐚𝐧𝐝𝐢𝐦𝐛𝐢𝐚𝐬𝐚𝐧𝐚 𝐧𝐚𝐧𝐝𝐫𝐢𝐭𝐫𝐚 𝐧𝐲 𝐅𝐚𝐧𝐨𝐦𝐩𝐨𝐚𝐦-𝐩𝐢𝐯𝐚𝐯𝐚𝐡𝐚𝐧𝐚 𝐧𝐨𝐭𝐚𝐫𝐢𝐡𝐢𝐧’𝐧𝐲 𝐅𝐢𝐥𝐨𝐡𝐚𝐦-𝐩𝐢𝐚𝐧𝐠𝐨𝐧𝐚𝐧𝐚 𝐅𝐅𝐊𝐌

Mpanolontsaina Avon’ny Fanavaozana , Kolonely Thierry Rampanarivo :

“Ny tombontsoan’ny Firenena no tokony ho fototry ny ezaka rehetra ataontsika. Mila manana vina iombonana ho an’ny ho avin’i Madagasikara isika, vina izay mitaky fiovan-toetra sy fahavononana handray andraikitra. Ny tanjona dia ny hanorina Fanjakana matanjaka, mijoro amin’ny fahamarinana, ny fahendrena ary ny fahitsiana. Ny Fanavaozana dia natao hampiray antsika, hampifampihaino, hanarina izay simba ary hanorina izay vaovao”

Praiminisitra, lehiben’ny Governemanta, Mamitiana Rajaonarison:

“Ny Governemanta dia manome ny fanohanana feno amin’ny fanatanterahana ny Fikaonandoham-pirenena. Satria ny tanjona dia tsy ny tombontsoan’olona na vondrona iray, fa ny fanorenana Madagasikara vaovao, matanjaka ary maharitra. Andao àry isika hifanakalo hevitra. Andao hifampihaino. Andao hifandray tanana. Andao hiara-hanavao an’i Madagasikara. Ny tombontsoa ho an’ i Madagasikara irery ihany no tokony hampiray antsika rehetra”

Minisitra misahana ny Fanavaozana, Maître Hanitra Razafimanantsoa :

« Efa ela no niandrasana ity Fikaonandoham-pirenena ity. Fikaonandoha izay tsy tokony ho an’ny olona vitsivitsy ihany, fa tokony ho sehatra ahafahan’ny Malagasy rehetra maneho ny heviny, ny hetahetany ary ny vinany ho an’ny firenena. Samy manana ny fomba fijeriny isika, samy manana ny hetahetany, ary samy manana ny fikasany. Saingy ny zava-dehibe dia ny hahafahantsika mampiray ireo fahasamihafana ireo ho amin’ny tombontsoan’i Madagasikara

Filohan’ny FFKM, Monseigneur Ranarivelo Samoela Jaona :

« Fotoana izao hanokafana pejy vaovao. Pejy iray no avadika, ary boky vaovao no soratana, boky iray izay tokony haneho ny finiavan’ny Malagasy hiara-hanangana firenena vaovao, miray hina, matanjaka ary mijoro amin’ny fahamarinana. Ny FFKM dia manentana ny Fiangonana sy ny olom-pirenena rehetra mba samy handray ny anjara andraikiny amin’izany fanavaozana izany”.

#MCR#Fanavaozana