𝑳𝒂𝒑𝒂𝒏’𝒊 𝑴𝒂𝒉𝒂𝒛𝒐𝒂𝒓𝒊𝒗𝒐

16 aogositra 2026

« Tsy azo ihodivirana ny fitaizam-panahy mba hahafahana miala amin’ny fahazaran-dratsy rehetra, ka hirosoana amin’ny tena fanavaozana sy ny fandrosoana marina. »

Tendrombohitra Masina Vohitsara (1927–2027)

Tonga nanome voninahitra sy nanotrona tamin’ny fomba ofisialy ny fanokafana ny Jobily faha-100 taonan’ny Toby Lehibe Manolotrony ny Praiminisitra, Lehiben’ny Governemanta, Mamitiana Rajaonarison.

Nandritra ny fandraisam-pitenenany dia nasongadin’ny Praiminisitra fa mifameno ny Fiangonana sy ny Fanjakana eo amin’ny fanabeazana ny olom-pirenena, ny fitandroana ny filaminana ary ny fampandrosoana ny firenena. Ny fiaraha-mientan’ny roa tonta, ao anatin’ny fifampihainoana sy ny fifanajana, hoy izy, dia anisan’ny fototra iorenan’ny fiarahamonina mirindra sy ny fampandrosoana maharitra.

Nohamafisiny manokana fa fototra tsy azo ihodivirana ny fitaizam-panahy, satria manampy ny tsirairay hiala amin’ny fahazaran-dratsy sy hanova toe-tsaina, ka hahafahana miroso amin’ny fanavaozana marina ho an’ny vahoaka Malagasy.

Noderain’ny Praiminisitra ihany koa ireo soatoavina nentin’ny Toby Lehibe Manolotrony hatrizay, indrindra ny fanetren-tena, ny finoana ary ny vavaka fangataham-pitahiana ho an’ny firenena, izay soatoavina mendrika tohizana sy halain-tahaka.

Izao fanotronana ny fotoam-pivavahana isan-taona sady fanokafana ny taom-pankalazana ny faha-100 taona izao dia mifanaraka amin’ny antso nataon’ny Filohan’ny Fanavaozana, RANDRIANIRINA Michael, ho amin’ny fiaraha-mientan’ny Fiangonana sy ireo hery velona rehetra eo amin’ny firenena.

Notsindrian’ny Praiminisitra fa ny fampiraisana ny Malagasy ao anatin’ny fifanajana, na eo aza ny fahasamihafana, no iray amin’ireo antoka lehibe ahafahana manatanteraka ny fanavaozana ifotony sy manorina firenena milamina, miray hina ary mandroso.

Hevi-dehibe nisongadina :

*Fiaraha-mientan’ny Fiangonana sy ny Fanjakana : mifameno amin’ny fanabeazana, ny fitandroana ny filaminana ary ny fampandrosoana ny firenena.

*Fitaizam-panahy : fototra hanovana toe-tsaina sy hialana amin’ny fahazaran-dratsy.

Soatoavin’ny Toby : fanetren-tena, finoana ary vavaka ho an’ny firenena.

*Fampiraisana : fampivondronana ny Malagasy ao anatin’ny fifanajana sy ny fahasamihafana, ho amin’ny fanavaozana syny fandrosoana.

#Primatiora #TobyLehibeManolotrony #Jobily100Taona #FiarahaMientana #Fanavaozana #Fampandrosoana #Madagasikara

𝗡𝘆 𝗦𝗲𝗿𝗮𝘀𝗲𝗿𝗮