Notanterahina ny 04 Aogositra 2026 ny fanentanana ireo tompon’andraikitry ny Fokontany ao amin’ny Kaominina Betampona, notarihin-dRamatoa Talem-paritra misahana ny Fanavaozana Analanjirofo Rtoa Andrianandraina Aldine sy ny ekipany.

Nohazavaina tamin’izany ny tanjon’ny Fakan-kevitra eny ifotony, izay misokatra ho an’ny olompirenena rehetra tsy an-kanavaka, ary nantitranterina ny maha-zava-dehibe ny fanavaozana ny toe-tsaina sy ny fandraisan’anjaran’ny tsirairay.

Naneho fahavononana hiara-hiasa sy hampita ny hafatra any amin’ny vahoaka ireo tompon’andraikitra eny ifotony, ary nanamafy ny Fitaleavam-paritra fa hanohy ny fanentanana eny anivon’ny Fokonolona.