𝐅𝐈𝐓𝐒𝐈𝐃𝐈𝐇𝐀𝐍𝐀 𝐈𝐅𝐎𝐓𝐎𝐍𝐘 𝐓𝐀𝐎 𝐀𝐍𝐃𝐀𝐏𝐀 — 𝐅𝐀𝐍𝐀𝐌𝐀𝐅𝐈𝐒𝐀𝐍𝐀 𝐍𝐘 𝐀𝐒𝐀 𝐅𝐀𝐍𝐀𝐕𝐀𝐎𝐙𝐀𝐍𝐀

Nidina ifotony tany amin’ny Distrika Andapa ny ekipan’ny Minisitera misahana ny Fanavaozana (MCR), notarihin’ny Tale Jeneralin’ny Fikaonandoham-pirenena, Atoa RAHAJARY Tsialoninarivo, niaraka tamin’ny Talem-paritra misahana ny Fanavaozana ho an’ny SAVA sy ireo mpiara-miasa aminy.

Ambodiampana, Maroambihy, Belaoka Lokoho, Andrakata ary Andapa no notsidihina, ho fanamafisana ny fifampiresahana amin’ireo tomponandraikitra sy ny mponina, ary hahafantarana mivantana ny zava-misy eny ifotony.

Nifantoka tamin’ny fanomanana ny Fikaonandoham-pirenena, tarihin’ny FFKM, sy ny fanamafisana ny fifampihainoana eny ifotony ny fifanakalozana.

Tany Antalaha, nandray anjara tamin’ireo hetsika ara-panjakana ihany koa ireo ekipan’ny Minisitera misahana ny Fanavaozana , anisan’izany ny Tsiahy ny Tolona sy ny fametrahana tetikasa fampandrosoana.

Nisy ihany koa ny fampiofanana ireo lehiben’ny sampan-draharaha momba ny fanatanterahana ny tetibola, notarihin’ny Lehiben’ny Sampan-draharaha avy ao amin’ny Fitaleavana misahana ny Fitantanam-bola (DAF) eto anivon’ny Ministera, ary ny fitsidihana ara-pomba fanajana ny Lehiben’ny Polisy ao amin’ny Faritra SAVA.

Rahampitso, hotanterahina ny lanonana fametrahana amin’ny fomba ofisialy ny Talem-paritra misahana ny Fanavaozana ho an’ny Faritra SAVA, dingana iray hanamafisana ny fandrindrana ny asa fanavaozana eny ifotony.

#SAVA #Andapa #Antalaha #Fanavaozana #MCR #Fifanajana #Fiarahamientana #FanoloranTena