Nisy ny fitsidihana fanaovam-beloma nataon’i Ramatoa Sabine Laubert Mpanolotsaina momba ny Zon’olombelona ao amin’ny Firenena Mikambana an’i Minisitra Misahana ny Fanavaozana Maître Hanitra Razafimanantsoa.

 

Nandritra ny fihaonana no noresahana ny tombana momba ny asa vitany teto Madagasikara nandritra ny fotoam-piasany izay nitondrany anjara biriky lehibe teo amin’ny fampiroboroboana sy fiarovana ny zon’olombelona, sy nanohanany ireo iraka sy ezaka natao hiarovana ny zon’olombelona.

 

Nandray anjara ihany koa tamin’ny fanadihadiana ny zava-misy sy ny fifampidinihana, izay nanampy tamin’ny fanamafisana ny fifanakalozan-kevitra sy ny fahazoana tsara ny hetahetan’ny olom-pirenena.

 

Tamin’ity fihaonana ity dia namporisika ny Filohan’ny Fanavaozana sy ny Minisitera Misahana ny Fanavaozana ihany koa izy mba hanohy ny ezaka sy ny asa Fanavaozana, indrindra amin’ny fanajana ny zon’olombelona, ny fifampidinihana ary ny firaisankina.

 

« Fisaorana feno no atolotra azy noho ny fiaraha-miasa sy ny fanohanana nentiny nandritra ny fotoana niasany teto Madagasikara ary mirary soa azy amin’ny asa vaovao hiantsorohany »