𝐅𝐈𝐇𝐀𝐎𝐍𝐀𝐍𝐀 𝐓𝐀𝐌𝐈𝐍’𝐍𝐘 𝐅𝐈𝐀𝐑𝐀𝐇𝐀𝐌𝐎𝐍𝐈𝐌-𝐏𝐈𝐑𝐄𝐍𝐄𝐍𝐀 – 𝐅𝐀𝐑𝐈𝐓𝐑𝐀 𝐀𝐓𝐒𝐈𝐍𝐀𝐍𝐀𝐍𝐀

Namaly ny antso avy amin’ny Fikambanan’ny Fiarahamonim-pirenena Malagasy ao amin’ny Faritra Atsinanana ny Talem-paritra misahana ny Fanavaozana Atsinanana Rtoa Blandine Voizy sy ny ekipany, nandritra ny fihaonana natao .

Nandritra izany no nanombohana tamin’ny fomba ofisialy ny asan’ny Vaomieran’ny Mpandrindra sy ny Vaomieran’ny Fampahafantarana, izay ahitana solontenan’ny Fikambanan’ny Fiarahamonim-pirenena Malagasy avy ao Antananarivo.

Nandray anjara tamin’ny dinika ny Talem-paritra misahana ny Fanavaozana Atsinanana, ka nanazava ny fizotry ny Fikaonandoham-pirenena, izay iandraiketan’ny FFKM.

Nohamafisiny fa ireo dinika tanterahina eny ifotony dia natao hanangonana ny hetahetan’ny vahoaka, ny hevitra ary ny soso-kevitra izay hatolotra sy hoentina ao anatin’ny Fikaonandoham-pirenena.

Notsindriana ihany koa fa ny FFKM no manana ny fahefana feno amin’ny Fikaonandoham-pirenena, fa ny Fitaleavam-paritra misahana ny Fanavaozana kosa dia manana andraikitra mpanohana sy mpanampy amin’ny fanatanterahana ny dingana eny ifotony.

Tanjona: Hampiroborobo ny fandraisan’anjaran’ny olom-pirenena sy ny fiarahamonim-pirenena amin’ny fananganana vina iombonana ho an’ny Fanavaozana an’i Madagasikara.

# MCR # Fanavaozana

# Fifanajana

# Fiarahamientana

# Fanolorantena