𝐅𝐈𝐇𝐀𝐎𝐍𝐀𝐌-𝐁𝐄𝐍’𝐍𝐘 𝐑𝐀𝐈𝐀𝐌𝐀𝐍𝐃𝐑𝐄𝐍𝐘 𝐀𝐑𝐀-𝐃𝐑𝐀𝐙𝐀𝐍𝐀 | 𝐃𝐈𝐒𝐓𝐑𝐈𝐊𝐀𝐍’𝐈 𝐌𝐀𝐍𝐀𝐊𝐀𝐑𝐀

Tontosa tao amin’ny Lapan’ny Tanànan’ny Kaominina Ambonivohitra Manakara ny Fihaonam-ben’ny Raiamandreny Ara-drazana ho an’ny Distrikan’i Manakara, teo ambany fitarihan’ny Talem-paritra misahana ny Fanavaozana Fitovinany Atoa Randriazafy Romario.

𝐀𝐬𝐚 𝐧𝐚𝐭𝐚𝐨:

– Nandinihana ny anjara toeran’ny rindran-damina nentim-paharazana Malagasy amin’ny fanarenana ny Repoblika.

– Nifanakalozan-kevitra ny momba ny soatoavina maha-Faritra an’i Fitovinany.

– Nandinihana tamin’ny alalan’ny asa isam-bondrona ny lafiny ara-tantara, jeografia, fampandrosoana ary politika.

– Natsangana ny komity mpandravona ireo antontan-kevitra voaangona.

– Voangona ireo hevitra sy tolo-kevitra avy amin’ireo Raiamandreny Ara-drazana.

– Voarindra ireo antontan-kevitra hoenti-manangana ny boky mirakitra ny voka-pifampidinihana.

– Voaomana ny fototry ny fandraisan’anjaran’ny solontenan’i Fitovinany amin’ny Fihaonam-ben’ny Raiamandreny Ara-drazana any Ihosy.

– Manamafy ny lanjan’ny soatoavina sy ny rafitra nentim-paharazana Malagasy amin’ny fanarenana ny firenena.

– Mampiroborobo ny firaisankina sy ny fifampidinihana eo amin’ireo Raiamandreny Ara-drazana.

– Manampy amin’ny fandrafetana antontan-kevitra mirakitra ny maha-izy azy sy ny soatoavina mampiavaka an’i Fitovinany.

Hitohy any amin’ny Distrikan’i Vohipeno sy Ikongo ny fihaonana, ho fanohizana ny fandravonana ireo antontan-kevitra isaky ny Faritra, mialoha ny Fihaonam-ben’ny Raiamandreny Ara-drazana any Ihosy, ny 23, 24 ary 25 Oktobra 2026.

# MCR # Fanavaozana

# Fifanajana

# Fiarahamientana

# Fanolorantena