𝐀𝐠𝐨𝐫𝐚 𝐂𝐢𝐭𝐨𝐲𝐞𝐧𝐧𝐞 𝐝𝐞𝐬 𝐌𝐞́𝐝𝐢𝐚𝐬 : 𝐙𝐨 𝐟𝐨𝐭𝐨𝐭𝐫𝐲 𝐧𝐲 𝐨𝐥𝐨𝐦-𝐩𝐢𝐫𝐞𝐧𝐞𝐧𝐚 𝐧𝐲 𝐡𝐚𝐡𝐚𝐳𝐨𝐚𝐧𝐚 𝐯𝐚𝐨𝐯𝐚𝐨 𝐦𝐚𝐫𝐢𝐧𝐚 𝐬𝐲 𝐯𝐨𝐚𝐦𝐚𝐫𝐢𝐧𝐚

Na dia mbola ny onjam-peo aza noloharanom-baovao tena henoin’ny olom-pirenena eto Madagasikara araka ny fanadihadiana, tsy azo ihodivirana ny fihanaky ny vaovao amin’ny tambajotra-tserasera,indrindra ho an’ ireo mponina ety an-drenivohitra.

« Ahoana àry no hananan’ny olom-pirenena fahatokisana ny haino vaky jery manoloana ny fipariahan’ny vaovao diso, ny tsaho, ny vaovao tsy voamarina any amin’ny tambajotra serasera ». Io no anisan’ny lohahevitra nifampiresahana nandritra ny ny hetsika “Agora Citoyenne des Médias” nokarakarain’ny ONG Malina teny Antaninarenina androany.

Fotoana iray nahafahana nifanakalo hevitra, nizarana traikefa momba ny haino vaky jery ary indrindra nandraisan’ny olom-pirenena tsotra anjara.

Zo fototra ho an’ny olom-pirenena ny fahazoana vaovao. Noho izany tokony hanana zo ihany koa ny mpampahalala vaovao hanokafana ny loharanom-baovao ilaina rehetra.

Anisan’ny dingana lehibe vita tao anatin’izao fitondrana Fanavaozana izao ny nandaniana teo anivon’ny Filan-kevitry ny Minisitra ny volana desambra2025 ny lalàna mifehy ny Fahazoan’ny daholobe vaovao na ny “Loi sur l’accès à l’Information à caractère Public”.

Ity lalàna ity dia natao hampitomboana ny mangarahara amin’ny fitantanana ny raharaham-panjakana sy ho fitaovana lehibe iray hiadiana amin’ny kolikoly. Manome zo ny olom-pirenena tsirairay sy ny mpanao gazety handray sy hifandray amin’ireo vaovao sy ita tazonin’ny fanjakana na ny rantsana miankina aminy.

Nanatrika ity hetsika ity ny talen’ny Serasera sy ireo mpiara-miasa eo anivon’ny Fitaleavan’ny Dinam-pitondrantena sy Tandrohasina eo anivon’ny Minisitera misahana ny Fanavaozana.

#mcr#Fanavaozana

#fifanajana #FiarahaMientana #fanolorantena

#UnionEuropéenne#Demokrasia